Әлем Чемпионаты. Нью-Дели - 2023
Нью-Делиде өтіп жатқан Әлем Чемпионатының 2-жарыс күні екі қазақстандық боксшы шаршы алаңға шығып, жеңіске жетті.
Олимпиада бағдарламасынакіретін 60 кг дейінгі салмақта Римма Волосенко Үндістандағы алғашқыжекпе-жегінде екідүркін Азия чемпионы, өзбекстандық Ситора Турдибекованы 4:3 есебімен ұтты. Римманың келесі қарсыласы сербиялық Наталья Шадрина.
«Бәрі ойдағыдай болды, алғашқы жекпе-жегімде жеңіске жеттім. Әрине, бәрі өзім жəне бапкерлер ойлағандай болмады. Бірақ əлі жұмыс істеп, жинақталам. Барлық жанкүйерге қолдау көрсеткені үшін алғыс айтамын», - деді Римма Волосенко.
Әлем чемпионатының екінші күнін 81 кг дейінгі салмақта сынға түскен Фариза Шолтай қорытындылады.
Тринидад және Тобаго өкілі Лиан Будрамды техникалық нокаутпен жеңді. Фаризаның келесі қарсыласы кениялық Элизабет Адямбо.
Фариза жарақатына байланысты үзілістен кейін қайта оралғанын айта кетейік.
Үндістан астанасында әйелдер арасындағы әлем біріншілігін үшінші рет өткізіп жатыр. 60 елден келген 300-ден астам таңдаулы спортшы жүлдеге таласады. Чемпиондар мен жүлдегерлер Халықаралық бокс қауымдастығы тағайындаған 100 мың, (алтын), 50 мың, (күміс) 25 мың (қола) АҚШ долларын алады.
