Аргентина құрамасы Әлем Чемпионатының финалында
Қатар жерінде өтіп жатқан Әлем Чемпионатында алғашқы финалға шыққан команда белгілі болды. Лионель Месси бастаған Аргентина құрамасы Хорватияны 3:0 есебімен жеңіп, жаһандық доданың ақтық ойынына жолдама алды. Лионель Мессидің соққан голы Әлем Чемпионатындағы 11-ші болды. Осылайша Әлем Чемпионаттарындағы Агентина құрамасының үздік сұрмергені атанды. Сонымен қатар, Әлем біріншілігінде өткізген ойындар санын 25 ке жеткізіп, Лотар Маттеусті қуып жетті.
Хорватия құрамасы болса үшінші орын үшін, яғни кіші финалда ойнауға мүмкіндік алды.
Аргентина - Хорватия 3:0
ГОЛДАР:
34 мин. Лионель Месси (1:0)
39 мин. Хулиан Альварес (2:0)
69 мин. Хулиан Альварес (3:0)
Бүгін екінші жартылай финалда Франция және Марокко құрамалары кездесіп, финалға шыққан екінші команда белгіл болады. Матчты Астана уақытымен 00:50-де «Qazaqstan» және «Qazsport» телеарналарының тікелей эфирінен тамашалай аласыздар.
