Қазақстан әйелдер құрамасы өз алаңында Арменияны жеңді

Футболдан Қазақстан әйелдер құрамасы әйелдер арасындағы Еуропа Чемпионатының іріктеу кезеңінде Арменияны 4:1 есебімен жеңді. Бұл Қазақстанның іріктеу кезеңінде жеткен алғашқы жеңісі.

Айта кетейік, 2025 жылы Швейцарияда өтетін Еуропа Чемпионатына іріктеу кезеңі командалардың рейтингіне сәйкес өтіп жатыр. Қазақстан құрамасы С лигасында өнер көрсетуде. Біздің топта Армениядан бөлек Румыния мен Болгария бар. Қазақстан келесі ойынын 12-шілдеде Румыния және 17 шілдеде Болгарияға қарсы өткізеді.