«Qazaqstan» және «Qazsport» телеарналары футболдан XVII Еуропа Чемпионатын тікелей эфирде көрсетеді

14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей эфирде көрсету құқығын иеленді.

Қазақстандық жанкүйерлер чемпионат матчтарын «Qazaqstan» және «Qazsport» телеарналарынан тікелей эфирде көре алады. qazaqstan.tv, qazsporttv.kz сайттары мен «Qazaqstan.tv» мобильді қосымшасы арқылы ел аумағында онлайн трансляция жасалады.

«Қазақстан» телерадиокорпорациясы футболсүйер қауымның сұранысын ескере отырып, тұрақты түрде ірі спорттық жарыстардан көрсетілімдер ұсынып келеді. EURO 2024 көрсетілімінің құқығына лицензиялық келісімшарт негізінде қол жеткіздік. Қазақстандық көрермен бір ай көлемінде екі арнадан Еуропаның үздік құрамаларының 51 кездесуін тікелей эфирде тамашалай алады. Сонымен бірге Еуропа стадиондарында бір ай бойы Корпорацияның арнайы шығармашылық тобы жұмыс істейді» - деді «Қазақстан» телеарадиокорпорациясының Басқарма төрайымы Ләззат Танысбай.

Шығармашылық топ құрамында журналист Ерсін Ерік, Виктор Кирилюк, Шерхан Жамбылұлы бар. XVII Еуропа Чемпионаты аясында «Qazaqstan» және «Qazsport» арналарында 20-ға жуық комментатор қызмет етеді.

24 команданың қатысуымен өтетін UEFA EURO 2024 ойындары Германияның 10 қаласындағы 10 стадионда ұйымдастырылады. 14 маусым күнгі алғашқы матчта Германия – Шотландия құрамалары кездеседі. Финал 14 шілдеде Берлиндегі «Олимпиаштадионда» өтеді.