Жеңіл атлетикадан Азия Чемпионаты. Екінші жарыс күнінің қорытындысы

Астана қаласында өтіп жатқан жеңіл атлетикадан жабық кешендегі Х Азия чемпионатының екінші күні Ақбаян Нұрмамет 1500 метрге жүгіруден қола жүлде жеңді. Оның көрсеткіші 4:21.31. І орынды вьетнамдық Нгуен Тхи Оан 4:15.55 нәтижесімен, ІІ орынды жапондық Юме Гото 4:19.29 нәтижесімен жеңіп алды.

Ерлер арасында үш қарғып секіруден Қытайлық Фан Яо Кинг 17.20 метр нәтижесімен топ жарды. Үндістандық Правин Чизравел 16.98 нәтижесімен ІІ орын, кореялық Ю Гюмин 16.73 метр нәтижесімен ІІІ орын алды.

Ерлер арасында 400м жүгіруден отандасымыз Михаил Литвин 46.39 секунд нәтижесімен мәре сызығын екінші болып кесті. Ол Катар спортшысы Амар Исмаил Ибраһимге (46.25 секунд) бірнеше миллисекундка есе жіберді. Үздік үштікті қытайлық Фан Тианруи (47.30 секунд) қорытындылады.

Әйелдер арасында 400 метрге жүгіруден отандасымыз Элина Михина 54.07 нәтижесімен қарсыластырынан оқ бойы озық шығып Азия Чемпионатының алтын медалін иеленді. Екінші орын вьетнамдық спортшы Ти Уен (54.67 секунд), үшінші орын индонезиялық Шри Мая (54.88) иеленді.

Ерлер арасында 60 метрге жүгіруден 6.59 секунд нәтижесімен Бангладеш спортшысы алтын медаль жеңді. Екінші орынды 6.65 секунд нәтижесімен Шак Кам Чинг (Гонконг), үшінші орынды 6.66 секунд нәтижесімен Риота Сузуки (Жапония) жеңді.

Әйелдер арасында сырықпен секіруден жапониялық спортшы Маю Насу 4 метр биіктікті еңсеріп Чемпион атанды. Ал үндістандық спортшы мүмкіндік санынан ғана есе жіберіп 4 метр көрсеткішпен екінші орынға тұрақтады. Үшінші орынды Рози Мина Паулраж (Үндістан) 3.90 нәтижесімен жеңді.

Жеңіл атлетикадан жабық жайдағы X Азия Чемпионатының жабылу салтанаты ертең, 12-ақпан күні «Qazaqstan» жеңіл атлетикалық спорт кешенінде өтеді. Чемпионат Qazsport телеарнасында және qazathletics ютуб арнасында тікелей эфирде жүреді.


Танымал жаңалықтар

Соңғы жаңалықтар

Қазақстандық спринтерші қыздар Азия ойындарының қола жүлдесіне қол жеткізді
Қазақстандық шорт-трекшілер Азия ойындарының алтын жүлдегері
Қазақстандық шорт-трекшілер Азия ойындарының күміс жүлдегері
Аяна Жолдас Азиада ойындарының қола жүлдегері
Евгений Кошкин Азия ойындарының күміс жүлдегері
Шорт-трек: Қазақстан құрамасы күміске қол жеткізді
Шорт-трек: Қазақстан құрамасы финалға шықты
Шорт-трек: 1000 метрде үш спортшымыз іріктеу кезеңінде сәтті өнер көрсетті
Қазақстан құрамасы Тайбейді аямады
Марсело футболдағы мансабын аяқтады
Азия-2025: Хоккейден Қазақстан әйелдер құрамасы Тайпейден басым түсті
Азиада-2025: Қазақстандық керлингшілер жарыс жолын аяқтады
София Зубкова – Қысқы Азия ойындарында хоккейден Қазақстан әйелдер құрамасының ең жас шабуылшысы
ҚФФ чемпионаттарға төленетін жарнаны азайтты
Азияда - 2025: Керлингтен Қазақстан құрамасы Қытайға есе жіберді
Елена Рыбакинаның жаңа бапкері белгілі болды
Алина Дауранова конькимен жүгіруден Әлем кубогы кезеңінде күміс жүлдеге ие болды
Анастасия Городко параллель-могулдан күміс жүлде иеленді
Қазақстан Данияға есе жіберді
Әли Әлиев – Қазақстан құрамасы бас бапкерінің міндетін атқарушы