Қазақстандық боксшылар Азия чемпионы атанды
22 жасқа дейінгі бокстан Азия чемпионатында Қазақстан ерлер құрамасы 3 алтын, 3 күміс және 5 қола медаль жеңіп алды. Тайланд елінде өткен байрақты бәсекеде жарыс жеңімпазы: Санжар Тәшкенбай (48 келі), Нұрсұлтан Алтынбек (54 келі) және Махмұд Сабырхан (57 келі) болды.
Абзал Серік (67 келі), Сабыржан Аққалықов (71 келі) және Диас Молжігітов (75 келі) - күміс жүлде еншіледі.
Талғат Сырымбетов (60 келі), Ерасыл Жақпеков (80 келі), Мұхаммедсабыр Базарбайұлы (63,5 келі), Ерхат Бекзат (92 келі) және Аманат Сабырғали (+92 келі) болса, Азия Чемпионатының қола жүлдегері атанды.
Сонымен қатар, қыздар арасындағы бәсекеде Жасмин Кизатова (70 келі) мен Гүлсая Ержан (81 келіге дейін) Азия Чемпионы атанса, Мөлдір Тойкова (50 кг), Анель Сақыш (54 кг), Виктория Графеева (57 кг), Шахназ Исаева (60 кг), Назерке Серік (63 кг), Ақнар Ищанова (66 кг), Дана Дидай (75 кг) қола жүлдеге қол жеткізді.
