Австралия құрамасы 16 жылдан кейін плей-офф кезеңінде ойнайды

Қатарда өтіп жатқан Әлем Чемпионатында D тобының екінші командасы ретінде Австралия құрамасы 1/8 финалға жолдама алды. 3 тур аясында өткен ойында Грэм Арнольд шәкірттері Данияны 1:0 есебімен жеңіп, 6 ұпаймен Әлем біріншілігінің плей-офф кезеңінде 16 жылдан кейін ойнайды. 

Айта кетейік, Австралия 2006 жылғы Әлем Чемпионатында топтық кезеңнен шыққан болатын. Ол уақытта Италияға 0:1 есебімен жеңілген.

D тобындағы екінші ойында Франция құрамасы Туниспен кездесіп, 0:1 есебімен жеңіліп қалды. 

1/8 финалда Әлем Чемпиондары Польшамен кездессе, Австралия С тобының көшбасшысы Аргентинамен жолығады.

С тобында өткен қос ойын бір уақытта өтіп, Польша Аргентинаға 0:2 есебімен есе жіберсе, Мексика - Сауд Арабиясы ойынында 2:1 есебі тіркелді.