Шорт-тректен Қазақстан құрамасы тарихи нәтижеге қол жеткізді
Монреаль (Канада) қаласында өтіп жатқан Әлем Кубогы кезеңінде бас бапкер Нұрберген Жұмағазиев бастаған Қазақстан құрамасы ерлер арасындағы 5000 метрлік эстафетада күміс жүлдегер атанды
А финалына Канада, Италия, Қазақстан және Оңтүстік Корея елінің спортшылары шыққан болатын. Жарыстың аяқталуына 2 айналым қалған уақытта Италия спортшысы ереже бұзғаны үшін жарыстан шеттетілді. Нәтижесінде жарыс жеңімпазы Оңтүстік Корея, күміс жүлде Қазақстан, ал үздік үштікті жарыс қожайындары Канада құрамасы түйіндеді. Қазақстан құрамасы қатарында Абзал Әжіғалиев, Әділ Ғалиахметов, Нұртілек Қажығали және Денис Никиша өнер көрсетті.
Бұл еліміз үшін 2017 жылдан бері алғашқы жүлде. Естеріңізде болса 2017 жылы ұлттық құрама жігіттері Әлем Кубогының кезеңдерінің бірінде қола жүлде еншілеген болатын.
