«Қуаныш» волейбол клубы клубтар арасындағы Азия Чемпионатының финалына жолдама алды

Петропавл қаласының клубы Семейде өтіп жатқан жарыстың финалында өскемендік «Алтай» командасымен кездеседі. Жарыстың бесінші күні Татьяна Алдошина бастаған арулар ирандық  «Barij Essence» волейбол командасын 3:0 есебімен жеңді. Ал өскемендік ұжым болса мерзімінен бұрын финалдың қатысушысы атанған еді. 

Бесінші жарыс күнінің қорытындысы төмендегідей:

«Altay VC» (Қазақстан) - «Diamond Food» (Таиланд) 3:0

«Kyrgyzstan VC» (Қыргызстан) - «Jizzakh State» (Өзбекстан) 1:3

«Barij Essence» (Иран) - «Kuanysh VC» (Қазақстан) 0:3

Өзбекстандық  «Jizzakh State» командасы турнирде бесінші орынға табан тіреді. 

Ертеңгі соңғы жарыс күнінде үшінші орын үшін: «Barij Essence» және «Diamond Food» командалары кездессе, финалда «Altay VC» мен «Kuanysh VC» ұжымдары кездеседі. Финалдық ойын Нұр-Сұлтан уақытымен сағат 13:50-де болады, үшінші орын үшін матч сағат 10:50-ге жоспарланған.