«Qazport» телеарнасы Қазақстан мен Украина арасындағы ойынды тікелей эфирде көрсетеді
«Qazport» телеарнасы Қазақстан мен Украина құрамалары арасындағы футболдан 2022 жылғы Әлем чемпионатының іріктеу ойынын тікелей эфирде көрсетеді.
Қазақстан-Украина кездесуімен бүгін 2022 жылғы Әлем чемпионатының іріктеу кезеңінің төртінші тур матчтары басталады.
Украина 3 ойыннан кейін 3 ұпай жинап, D тобында екінші орында келеді. Қонақта Франциямен және өз алаңында Финляндия, Қазақстан командаларымен тең түскен болатын және барлық ойындарда 1:1 есебі тіркелген. Қазақстан өз алаңында 0:2 есебімен Франциядан жеңілгеннен кейін, қонақта 1:1 есебімен Украинамен ұпай бөлісіп, өз тобында соңғы орында тұр.
Қазақстан-Украина матчы бүгін «Астана-Арена» стадионында өтеді. «Qazport» телеарнасындағы тікелей трансляция Нұр-Сұлтан уақытымен 19:50-де басталады.
«Qazport» телеарнасы ойын алдында және матчтан кейін тікелей эфирде студиялық бағдарлама ұсынады. Онда футбол мамандары көрермендермен кездесуге қатысты өз пікірлерімен бөліседі.
