Қазақстандық волейболшы дубайлық командаға ауысты

Қазақстандық волейболшы Сәбина Алтынбекова Біріккен Араб Әмірлігінің "Аль-Васл" клубына сапына ауысты.

Бұл ақпаратты отандасымыз өзінің Instagram парақшасында жариялады.

"Аль-Васл" – Дубай қаласының командасы. Биыл "Аль-Васл" волейболдан Арабия Чемпиондар лигасының жеңімпазы атанды.

Естеріңізге сала кетейік, 23 жастағы волейболшы бұған дейін де шетелдік команданың жейдесін киді. Ол 2015 жылы Жапонияның екінші лигасында бақ сынайтын "CSS Sunbeam" командасының сапында өнер көрсетті. Ал Қазақстанда "Алматы" клубының намысын қорғады.