Шавкат Рахмонов M-1 Challenge чемпиондық атағын қорғап қалды
M-1 Challenge чемпионы Шавкат Рахмонов M-1 Challenge 102 турнирінің басты кездесуінде бразилиялық Тьяго Варежао Ласердуді жеңіп, жартылай орта салмақтағы чемпиондық атағын қорғап қалды. Елордада өткен жекпе-жек кешінің басты кездесуі бірінші раундта нокаутпен аяқталды. Осылайша, жеңіліп көрмеген 24 жастағы қазақстандық кәсіби карьерасындағы 12-ші жеңіске қол жеткізді. Рахмонов барлық жекпе-жегін мерзімінен бұрын жеңіспен аяқтап келеді.
Сонымен қатар, осы жекпе-жек кешінде бақ сынаған тағы бір қазақстандық Сергей Морозов жеңіл салмақтағы M-1 Challenge чемпионы атағын жеңіп алды. Қазақстандық файтер қарсыласы ресейлік Александр Осетровты жеңді
