Көркем гимнастикадан Азия чемпионатында Адиля Тілекенова кезекті жүлдесіне қол жеткізді

Паттайяда (Тайланд) өтіп жатқан көркем гимнастикадан Азия чемпионатында Адиля Тілекенова кезекті жүлдесіне қол жеткізді.

Қазақстандық спортшы ұршықпен жаттығуда 17.450 ұпай жинап, күміс медальге ие болды. Алтын медаль 17.850 ұпай жинаған қытайлық Ятинг Жаоның еншісінде болса, қола медальді жапониялық Рурико Шибаяма жеңіп алды. Сондай-ақ, отандасымыз лентамен жаттығуда қолаға ілікті.

Еске сала кетейік, Адиля Тілекенова көпсайыс қорытындысы бойынша Азия біріншілігінің қола жүлдегері атанған болатын. Сонымен қатар, шығыршық және доппен жаттығуда жүлдеге ілікті.