Динара Сәдуақасова шахматтан Азия чемпионы атанды
Қытайдың Синтай қаласында шахматтан ерлер мен әйелдер арасындағы Азия чемпионаты аяқталды. Турнирде отандасымыз Динара Сәдуақасова жеңімпаз атанды.
Швейцариялық жүйе бойынша 9 раундтан өткен турнирде Динара 15 елден келген 36 спортшыдан басым болды. Жалпы есепте ол мүмкін болған 9 ұпайдан 7,5 ұпай жинады. Азия біріншілігінің жүлде қоры 80 мың АҚШ долларын құрады.
Сонымен қатар, Азия чемпионатына Қазақстан атынан тағы екі шахматшы қатысқан болатын. Олар – Ринат Жұмабаев және Гүлмира Дәулетова.
