Дмитрий Баландин Champions Swim Series турының екінші кезеңінде қола жүлдегер атанды

Будапештте өткен жүзуден әлемдік Champions Swim Series турының екінші кезеңінде қазақстандық Дмитрий Баландин 200 метрге брасс әдісімен жүзуден қола жүлдегер атанды.

Отандасымыз аталған қашықтықты 2:10.73 уақыт көрсеткішінде жүзіп өтіп, үздік үштікке енді. Бірінші болып Антон Чупков (2:08.23) келсе, екінші орынға 2:08.61 нәтижесімен жапондық Иппэй Ватанаба жайғасты. 

Сонымен қатар, аралас эстафетада Дмитрий Баландин екінші рет қола медаль иеленді.