1-2 маусым күндері Теңге ілу және Аударыспақтан Азия Чемпионаттары өтеді

Бүгін Орталық коммуникациялар қызметінің баспасөз залында Теңге ілуден ІІ және Аударыспақтан ІІІ Азия Чемпионатын өткізуге байланысты баспасөз конференциясы өтті. Шараға ҚР Мәдениет және спорт министрі Арыстанбек Мұхамедиұлы, ҚР Ұлттық спорт қауымдастығы президенті, Мәжіліс депутаты Бекболат Тілеухан қатысты.

 

Аталған чемпионаттарға 9 елден (Қазақстан, Өзбекстан, Қырғызстан, Тәжікстан, Моңғолия, Ресей, Ауғанстан, Қытай,  Түркия) 54 спортшы, ал жалпы жарысқа қатысатын делегация мүшелерін қосқанда, 100-ге тарта адам қатысуы жоспарланған.

 

Теңге ілуден ІІ Азия және Аударыспақтан ІІІ Азия чемпионаттарының жалпы жүлде қоры – 14 000 000 теңге.

 

Сондай-ақ, теңге ілуден ІІ Азия Чемпионатын өткізу регламентіне сәйкес, жарысқа 18-ге толған, жеке басын куәландыратын құжаты бар спортшы қатысады. Жарыс 5 салмақ және абсолюттік салмақ дәрежесі бойынша (60 кг., 80 кг., 90 кг., және 90 келіден жоғары) өткізіледі.

 

Аударыспақтан Азия чемпионатына  9 мемлекеттен 44 спортшы қатысады.

 

Биылғы қос чемпионат «Астана қаласының 20 жылдығын мерекелеу» аясында ұйымдастырылмақ.

          «Мәдениет және спорт министрлігі соңғы уақытта ұлттық спорт түрлерінің дамуына аса үлкен назар аударып келеді. Бұл дегеніңіз – тарихты, тарихи санамызды жаңғырту. Биыл Астана өзінің 20 жылдығын мерекелейді. Осындай маңызды дата қарсаңында біздің ведомство мәдени шаралармен бірге, спорттық сайыстарды даярлап жатыр. Теңге ілу мен Аударыспақтан өтетін Азия Чемпионаттарына онға тарта елдің  спортшылары келеді деп жоспарланған»,- деді министр Арыстанбек Мұхамедиұлы.

 

Аталған спорттық шараларға ЮНЕСКО-ның Дәстүрлі спорттар мен ойындар комитеті  өкілдерінің қатысуы жоспарланған.  ҚР Ұлттық спорт қауымдастығының президенті Бекболат Тілеуханның пікірінше,  ЮНЕСКО атынан дәрежелі қонақтардың келуі – еліміздегі ұлттық спорттың даму қарқынына деген әлемдік қауымдастықтың қызығушылығының көрінісі.

 

«ЮНЕСКО өкілдері шараға келетіндіктерін растады. Біздің ұлттық ойындардан өтетін Азия чемпионаттарына халықаралық ұйым өкілдерінің назар аударуы – этноспорттың келешекте әлемдік деңгейге шығуынан үміттендіреді. Бұл ретте Мәдениет және спорт министрлігі ұлттық спортты өркендету жөніндегі бастамаларымызға үнемі қолдау білдіріп келетінін айрықша атағым келеді»,-деді Бекболат Тілеухан.

 

Сондай-ақ, баспасөз мәслихатында ҚР Ұлттық спорт қауымдастығының «Астананың 20 жылдығына 20 ұлттық-спорттық іс шара» кампаниясын бастағаны мәлім болды. 

Танымал жаңалықтар

Соңғы жаңалықтар

Денис Зинов Универсиада ойындарында күміс медаль жеңіп алды
Роман Құрбанов Универсиада ойындарынан екінші медаль жеңіп алды
Қазақстандық теннисшілер үшінші айналымға шықты
Әліби Ыдырыс The Ultimate Fighter реалити-шоуына қатысады
Антон Бондарев Универсиада ойындарының күміс жүлдегері
Аяулым Әмренова Универсиада ойындарының күміс жүлдегері
Анастасия Городко ел қоржынына екінші алтынды сыйлады
Денис Зинов Универсиада ойындарында күміс медаль жеңіп алды
Универсиада: Қазақстан қоржынына екінші медаль түсті
Есбол Сұлтанов таеквандодан Қазақстан құрамасының бас бапкері болды
Анастасия Городко Қазақстан қоржынына алғашқы алтынды салды
Харбиндегі Азия ойындарында Қазақстан туын ұстаушылардың есімдері белгілі болды
Әлемнің спортшы студенттерін біріктіретін Дүниежүзілік XXХII Қысқы Универсиада ойындарының ашылу салтанатында Қазақстан құрамасы
Универсиада: Қазақстан алғашқы ойында жеңіске жетті
Теннис: Сандуғаш Кенжебаева ITF W15 сериясындағы жұптық бәсекеде жеңімпаз атанды
Қазақ күресінен «Дала қырандары» турнирінің жеңімпаздары анықталды
UFC: Асу Алмабаев пен Стив Эрцег жекпе-жегі ресми хабарланды
Шорт-тректен қысқы Азия ойындарына қатысатын Қазақстан құрамасы белгілі болды
Денис Раструба мен Юлия Фиклистова жұптық фристайл-могулдан күміс жүлде жеңіп алды
Керлингтен қысқы Азия ойындарына қатысатын Қазақстан құрамасы белгілі болды