«Qazsport» телеарнасы футболдан Словения және Сербия чемпионаттарының ойындарын тікелей эфирде көрсетеді
2023 жылы Қазақстан құрамасы өз тарихында үздік нәтижеге қол жеткізіп, Еуропа Чемпионатының іріктеу кезеңін жоғары деңгейде аяқтады. Сонымен қатар, келесі жылы Ұлттар Лигасының В дивизионында ойнайды. Магомед Адиев шәкірттері наурыз айында Еуропа Чемпионатының жолдамасы үшін Ұлттар Лигасының плей-офф кезеңінде Грекиямен, жеңген жағдайда Люксембург – Грузия жұбының жеңімпазымен сырт алаңда кездеседі.
Дәл қазір шет елдік клубтарда - Бактиер Зайнутдинов, Нұралы Әліп, Рамазан Оразов, Марат Быстров, Лев Скворцов және Александр Зуев өнер көрсетіп жүр. Бактиер Зайнутдинов ойнайтын «Бешикташ» клубының еурокубоктағы ойындары тұрақты түрде тікелей эфирде көрсетілуде.
«Қазақстан» телерадиокорпорациясы Рамазан Оразовтың «Копер» және Александр Зуевтың «ИМТ» командаларындағы ойындарын тікелей эфирде көрсету құқығын алды.
