Қазақстан құрамасы ХІХ Жазғы ойындарға қатысу үшін Қытайға келді

Қазақстан құрамасы ХІХ Жазғы ойындарға қатысу үшін Ханчжоу (ҚХР) қаласына келді.

Спортшылар Қытайға Алматыдан чартерлік рейспен жетті. Азиадаға бірінші аттанғанадрдың арасында: бокс, жүзу, үстел теннисі, оқ ату, су добы (әйелдер), семсерлесу, спорттық гимнастика, дзюдо, регби-7 және гандбол (ерлер) құрамалары бар. Ары қарай жарыстардың өту кестесіне байланысты басқа спорт түрлерінің өкілдері келе бастайды.

Қазақстан құрамасы атынан Азия ойындарында спорттың 30 түрінен 525 спортшы қатысады. Еліміз Азия ойындарына 1994 жылдан бері қатысып келеді.

Айта кетейік, Ханчжоуда өтетін Азия ойындары 54 спорт кешенінде өтуі тиіс. Азия ойындары 23 қыркүйек - 8 қазан аралығында өтіп, спорттың 40 түрінен жүлделер сарапқа салынады. 9 спорт түрінен Париж Олимпиадасына лицензия беріледі.

Азия құрлығының басты бәсекесін «Qazaqstan» және «Qazsport» телеарнасынан тамашалай аласыздар.