VI ЖАЗҒЫ ҚАЗАҚСТАН СПАРТАКИАДАСЫНЫҢ АЛАУЫ ЖАҒЫЛДЫ

Тараз қаласында жазғы спорт түрлерінен Қазақстан Республикасының VI спартакиадасының ресми ашылуы өтті. Төрт жылда бір рет өтетін салтанатты іс-шараға 17 облыстан және Республикалық маңызы бар үш қаладан келген спортшылар қатысуда. Спартакиаданың басты мақсаты – өңірлердегі спорттың даму деңгейін анықтау. Ашылу рәсіміне ҚР Мәдениет және спорт министрі Асхат Оралов, Жамбыл облысының әкімі Нұржан Нұржігітов, МСМ Спорт және дене шынықтыру істері комитетінің төрағасы Ербол Мырзабосынов, Спортты дамыту дирекциясының директоры Оралбай Жақсымбетов қатысты.

Салтанатты шарада қатысушы командалар сап түзеп шықты. Жарыстардың әділ өтуіне РМҚК «Спортты дамыту дирекциясының» басшысы Оралбай Жақсымбетов ант берді. Спартакиаданың алауын бокстан Әлем чемпионы Асланбек Шымбергенов тұтатты.

«Спартакиада қорытындысы аймақтардағы спорттың деңгейін анықтап қана қоймай, спортшыларымыздың алдағы байрақты бәсекелерге дайындығы пысықталады . Биылғы жыл біз үшін маңызды Азия ойындары күтіп тұр. Сол сында осы спартакиада чемпиондары ел намысын абыроймен қорғайды деген ойдамыз. Ең бастысы Париж-2024 Олимпиада ойындарында қазақ елінің көк туы көкке көтерілсін дейміз» - деп Асхат Оралов сөз сөйлеп, қатысушыларға сәттілік тіледі.

Спартакиада бағдарламасындағы жарыстар осы жылдың ақпан айында басталды. Ең мықтылары спорттың 27 түрінен сынға түсіп, анықталады. Былғары қолғап шеберінің өкілдері өздерінің соңғы амбицияларын 2023 жылдың қарашасында көрсетеді.

«Құрметті жарысқа қатысушылар! Қадірменді қонақтар мен спорт сүйер қауым! Бүгін екі ғасырдан астам шежіресі бар, Ұлы Жібек жолын бойлай орналасқан ежелгі Таразжерінде, киелі Әулиеата елінде Қазақстан Республикасының 6-шы Жазғы Спартакиадасының салтанатты ашылуына қош келдіңіздер! Елімізге дені сау, спортты жанына серік еткен, ел ертеңі – жалынды жастар қажет. Бүгінгі спорттық шараға қатысушы барлық спортшылар мен жаттықтырушыларға сәттілік тілеймін», - деді Нұржан Нұржігітов.

Бұл өңірде осы аралықта 3 спорт түрінен жарыс өтпек. Олар: волейбол (25 мамыр мен 4 маусым), дзюдо (30 мамыр мен 3 маусым), су добы (29 мамыр мен 4 маусым).

Спартакиада аясында бүгінге дейін 12 спорттан үздіктер анықталды. Олар: грек-рим, еркін және әйелдер күресі, үстел теннисі, велотрек, семсерлесу, спорттық гимнастика, қол добы (әйелдер), батуттағы гимнастика, бокс (әйелдер), көркем гимнастика, баскетбол (ерлер).

Қазір барлық 20 өңірдің ішінде Алматы облысы көш бастап келе жатса, одан кейінгі сатыда Шымкент пен Астана спортшылары тұр.

VI жазғы Спартакиаданың бас төрешісі – Спортты дамыту дирекциясы директорының орынбасары Азамат Имашев. Ал бас хатшысы – СДД спорт жарыстарын өткізу бөлімінің маманы Асқар Қадыров.

Анықтама:

Атлеттер додасы мемлекеттік егемендік туралы декларация мен «ҚР-ның мемлекеттік тәуелсіздігі туралы» конституциялық Заңның 10 жылдығына арналып, алғаш рет 2001 жылы ұйымдастырылған. Ал ресми ашылуы 24 маусымда бірқатар орталық мекеменің қатысуымен астанадағы Қ.Мұңайтпасов атындағы стадионда болған. Алдыңғы, V Спартакиадаға дейін бағдарламаға олимпиадалық емес бірқатар спорт түрлері де кірген. Биылдан бастап басымдық тек Олимпиада бағдарламасындағы спорт түрлеріне беріле бастады.

Танымал жаңалықтар

Соңғы жаңалықтар

  • Жаңалықтар
  • Футбол
Еуропа чемпионаты екінші ойын күнінің нәтижесі
  • Футбол
Испания мен Хорватия: командалардың бастапқы құрамы анықталды
  • Жаңалықтар
Венгрия - Швейцария: командалардың бастапқы құрамы белгілі болды
  • Футбол
Юлиан Нагельсманн Еуропа чемпионаттары тарихындағы ең жас бас бапкер атанды
  • Жаңалықтар
  • UEFA EURO 2024
Германия Еуропа чемпионатын сенімді жеңістен бастады
  • Футбол
  • UEFA EURO 2024
Германия - Шотландия: командалардың ойынға арналған құрамы жарияланды
  • Жаңалықтар
Қазыбек Нөгербек шахматтан әлем чемпионы атанды
  • Жаңалықтар
  • UEFA EURO 2024
Еуропа чемпионаттарының алғашқы матчтары қандай нәтижемен аяқталған
  • Жаңалықтар
  • Футбол
Кевин Де Брюйне Бельгия құрамасы үшін 100 ойын өткізді
  • Жаңалықтар
  • Футбол
Қазақстан әйелдер құрамасы өз алаңында Арменияны жеңді
  • Жаңалықтар
  • Волейбол
Қазақстан құрамасы Challenge Cup - 2024 турнирінің ширек финалына шықты
«СПОРТты ТАҢда» таңғы спорттық, ақпараттық, танымдық, ойын-сауық бағдарламасы | 29.05.2024
  • Жаңалықтар
  • Футбол
«Qazaqstan» және «Qazsport» телеарналары футболдан XVII Еуропа Чемпионатын тікелей эфирде көрсетеді
  • Жаңалықтар
Шымкентте өткен көкпардан ересектер арасындағы республикалық турнир аяқталды
  • Жаңалықтар
  • Дзюдо
Дзюдодан Qazaqstan Barysy Grand Slam жарысына қатысатын Қазақстан құрамасы анықталды
  • Жаңалықтар
Мария Дмитриенко Париж Олимпиадасының жолдамасын жеңіп алды
  • Жаңалықтар
  • Күрес
Ержет Жарлықасын - Азия чемпионы
  • Жаңалықтар
Азия Жамбы Ату федерациясының алғашқы конференциясы өтті
Тоқтарбек Айдарбек сурдо дзюдодан әлем чемпионы атанды
  • Жаңалықтар
Астанада жастар арасындағы Азия чемпионаты өтеді