Пара дзюдодан Қазақстан құрамасы Азия чемпионатына қатысады

28-30 сәуір күндері Астанада пара дзюдодан Азия чемпионаты өтеді. Құрлықтық біріншілікке Азияның 11 елінен 80-нен астам татами шебері қатысады.

Аталған жарыста Қазақстан ұлттық құрамасынан J1 және J2 санаты бойынша 22 дзюдошы бақ сынайды.

«Азия чемпионатына дайындық тыңғылықты жүріп жатыр. Қазіргі таңда құрама Алматыда жарыс алдындағы соңғы қорытынды жаттығу жиынында шеберліктерін шыңдауда. Азия чемпионатына қатысатын спортшылар қатарында тәжірибелі балуандар да, жас спортшылар да бар.

Биыл Шымкентте өткен Қазақстан кубогінде жаңа есімдер іріктеліп, құрама жасақталды. J1 санатындағы, көзі мүлдем көрмейтіндер санатындағы балуандар үшін бұл әлемдік дәрежедегі алғашқы біріншілік болайын деп тұр.

Құрлықтық бәсеке өз елімізде өтетін болғандықтан жауапкершілік өте жоғары. Спортшыларымыздың физикалық, психологиялық тұрғыдан жағдайлары жақсы. Елордамызда өтетін жарыста құрамадағы әрбір спортшы нәтижелі күрес көрсетеді, ел намысын абыроймен қорғайды деп сенемін», - дейді пара дзюдодан Қазақстан құрамасының бас бапкері Жандос Қиянов.

Айта кетерлігі, Азия чемпионаты Астана қаласындағы Жақсылық Үшкемпіров атындағы жекпе-жек сарайында өтеді.

Пара дзюдодан Азия чемпионатына қатысатын Қазақстан ұлттық құрамасының тізімі келесідей:

Әйелдер

J2 -48 кг: Ақмарал Науатбек

J1 -57 кг: Альфия Тілекқабыл, Дилором Диханова

J2 -57 кг: Даяна Федосова

J1 -70 кг: Динара Куджулова

J2 -70 кг Диана: Бөлекова

J1 +70 кг: Зәуре Айтек

Ерлер

J1 -60 кг: Мұрат Мадинов, Темірболат Ташекенов

J2 -60 кг: Ануар Сариев

J1 -73 кг: Ерғали Шамей, Асылан Нұрдаулетов

J2 -73 кг: Олжас Оразалылұлы, Азамат Нокушев

J1 -90 кг: Абылай Әділбеков, Бауыржан Арыстанбеков

J2 -90 кг: Жанбота Аманжол, Ғалымжан Смағұлұлы

J1 +90 кг: Ерлан Өтепов, Бағлан Оңалбек

J2 +90 кг: Ерлан Конкиев, Талғат Ажғалиев


Танымал жаңалықтар

Соңғы жаңалықтар

Бекзад Нұрдәулетов олимпиадалық салмаққа ауысады
Ботагөз Қапанова Chuncheon Korea Open турнирінде қола медаль еншіледі
Күрестен Будапештте өтетін халықаралық турнирге қатысатын балуандар белгілі болды
Қарағандыда футбол академиясының жобасы таныстырылды
Астана қаласында теннистен Қазақстанның жазғы чемпионаты өтеді
Қазақстандық дзюдошылар Моңғолиядағы додада бақ сынайды
Қазақстан құрамасы 2026 жылғы әлем чемпионатына жолдама алды
Қазақстандық балуандар 12 медаль жеңіп алды
Қазақстандық спортшылар Германияда өтетін Дүниежүзілік жазғы Универсиадаға қатысады
Қазақстан құрамасы таеквондодан Оңтүстік Кореядағы турнирде алты медальға қол жеткізді
Руслан Желдібай Халықаралық дзюдо федерациясы комиссиясының директоры болып тағайындалды
Коул Палмер Клубтар арасындағы Әлем чемпионатының үздік ойыншысы атанды
«Челси» Клубтар арасындағы Әлем чемпионатының жеңімпазы
Эльхан Астанов «Ордабасы» футбол клубына оралды
Әлем кубогында Меруерт Камалиденова қазіргі чемпион саналатын Александра Горячкинаны жеңді
Қазақстандық балуандар жастар арасындағы Азия чемпионатында екі алтын медаль жеңіп алды
Астанада каратеден Kazakhstan Open халықаралық турнирі өтеді
Алматыда үстел теннисінен 2026 жылы Әлем чемпионатына іріктеу турнирі өтеді
Аңсар Тұрсынбек ауыр атлетикадан Азия чемпионатының күміс жүлдегері атанды
Ресми: Рамазан Оразов «Елімай» сапына еркін агент ретінде ауысты