FIFA QATAR 2022 футболдан Әлем чемпионаты көрсетілімінің презентациясы өтті

«Қазақстан» телерадиокорпорациясы 2022 жылғы 20 қараша мен 18 желтоқсан аралығында Қатарда өтетін футолдан Әлем чемпионатын көрсету құқығын иеленді.

Осыған орай, ХХІІ Әлем біріншілігі көрсетілімінің соңғы дайындық жұмыстары қорытындыланып, арнайы презентация жасалды. Шарада алдағы мундиальда ұсынылатын студиялық бағдарламалар, күнделікті шығарылымдар мен байқаулар таныстырылды.

Жиынға «Астана» футбол клубының жас ойыншылары мен белгілі спортшылар - Қазақстан Ұлттық құрамасының экс-ойыншысы Давид Лория, рекордшы Сергей Цырульников, суда жүзуден параспортшы Сиязбек Далиев қатысты.

ҚР Ақпарат және қоғамдық даму министрі Дархан Қыдырәлі спорттық трансляцияларды жоғары деңгейде ұйымдастыру қажеттігі туралы айтып, Корпорация ұжымына және комментаторларға сәттілік тіледі.

«Qazaqstan» және «Qazsport» арналары жалпы спортқа, оның ішінде футболға тұрақты қолдау көрсетіп келеді. Бұған дейін «Superbol» телевизиялық жобасы арқылы ел өңірлерінде жүрген жас футболшылардың жұлдызын жақты. Енді бір ай бойы отандық жанкүйерлерге футбол мерекесін сыйлайды. Телеэфирлерімізде спорт журналистикасындағы ең таңдаулы деген комментаторларымыз лайықты қызмет көрсететініне сенеміз», - деді министр.

Шарада Әлем чемпионатының комментаторлық құрамы таныстырылып, Есей Жеңісұлы мен Сергей Райлян тікелей эфирде матч жүргізу тәжірибесімен бөлісті.

«Әлем чемпионатын жүргізуге ең тәжірибелі 14 комментаторды шақырдық. Бір ай бойы комментаторлармен жұмыс істейтін тіл мамандары тартылды. Одан бөлек, көрермендерге эксклюзив материалдар ұсыну үшін Қатарға арнайы түсірілім тобы жіберілді.

Бір айға жалғасатын футбол мерекесінде еліміздегі барша футбол жанкүйерлерін, спорт сарапшыларын «Qazaqstan» және «Qazsport» арналарынан тікелей эфирде шығатын, студиялық бағдарламаларымызға қатысуға, көрермендермен ой бөлісуге шақырамыз», - деді «Қазақстан» телерадиокорпорациясының Басқарма төрайымы Ләззат Танысбай.

Журналист Ерсін Ерік шарада Қатардан тікелей байланысқа шығып, жаһандық доданың соңғы жаңалықтарымен бөлісті.

Жиын соңында Қазақстан құрамасының экс-қақпашысы Давид Лория «Астана» футбол клубының жас тәрбиеленушілеріне мастер-класс өткізіп, болашақта осы балалардың арасынан әлем чемпионатында ел намысын қорғайтын футболшылар шығатынына сенім білдірді.

Естеріңізге сала кетсек, қазақстандық жанкүйерлер чемпионат матчтарын «Qazaqstan» және «Qazsport» телеарналарынан тікелей эфирде көре алады. Сонымен бірге qazaqstan.tv және qazsporttv.kz сайты мен «Qazaqstan.tv» мобильді қосымшасы арқылы онлайн трансляция жасалады.


Танымал жаңалықтар

Соңғы жаңалықтар

  • Жаңалықтар
Жансель Дениз және Смайыл Дүйсебай – Азия ойындарының қола жүлдегерлері
  • Жаңалықтар
Мергендер құрама қоржынына екінші және үшінші алтынды салды
Әділбек Мусин – Азия ойындарының қола жүлдегері
  • Жаңалықтар
ХІХ жазғы Азия ойындарында ел қоржынына алғашқы алтын жүлде түсті
  • Жаңалықтар
Эльмир Алимжанов – Азия ойындарының қола жүлдегері
  • Жаңалықтар
Нұрлыхан Шархан – Азия ойындарының қола жүлдегері
  • Жаңалықтар
Эсмигүл Куюлова және Абылайхан Жұбаназар – Азия Ойындарының қола жүлдегерлері
  • Жаңалықтар
  • Дзюдо
Абиба Абужақынова - Азия ойындарының күміс жүлдегері
  • Жаңалықтар
Елена Потапенко қазіргі бессайыстан Олимпиада лицензиясын жеңіп алды
  • Жаңалықтар
Қазақстандық делегация Азия ойындарының ашылу салтанатына қатысты
  • Жаңалықтар
Ермек Маржықпаев спортшылар қалашығына барды
  • Жаңалықтар
Марлан Мұқашев пен Демеу Жадыраев қола медаль үшін күреседі
  • Жаңалықтар
Жәмилә Бақбергенова әлем чемпионатының қола жүлдегері атанды
  • Жаңалықтар
Қазақстан құрамасы ХІХ Жазғы ойындарға қатысу үшін Қытайға келді
  • Жаңалықтар
Қазақстандық ескек есушілер ХІХ жазғы Азия ойындарының финалына жолдама алды
  • Жаңалықтар
Ханчжоудағы ХІХ Жазғы Азия ойындарының бір апталық жарыс кестесі белгілі болды
  • Жаңалықтар
Ризабек Айтмұхан Әлем Чемпионатының финалына шықты
  • Жаңалықтар
Қазақстан құрамасы Әлем Чемпионатының іріктеу кезеңін жеңіспен бастады
  • Жаңалықтар
Күрес түрлерінен Әлем Чемпионатына қатысатын қазақстандықтар
  • Жаңалықтар
  • Футзал
Әлем Чемпионатының іріктеу кезеңіне қатысатын Қазақстан құрамасы