Айзада Мүптілдә Азия Чемпионатының жеңімпазы атанды
Манама (Бахрейн) қаласында өтіп жатқан Азия Чемпионатының соңғы жарыс күнінде 87 келіден жоғары салмақ дәрежесінде сынға түскен Айзада Мүптілдә қос жаттығу қорытындысында 277 (120+157) келіні бағындырып, Азия Чемпионы болды.
Сонымен қатар, осы салмақ дәрежесінде бақ сынаған тағы бір қазақстандық атлет Любовь Ковальчук 266 (115+151) келіні көтеріп, қола жүлдегер атанды.
Қазақстан құрамасы Азия бірінішілігінен үш алтын, екі күміс және үш қола жүлде еншілеп, бейресми командалық есепте екінші орын алды. Ал бірінші орында Қытай құрамасы. Олардың еншісінде алты алтын және екі күміс жүлде бар.
Қазақстан ерлер құрамасы жалпы командалық есепте бірінші орын алса, әйелдер құрамасы үшінші орыннан көрінді. Зулььфия Чиншанло жарыстың үздік спортшысы атанды.
