Баскетболдан Қазақстан құрамасы Иранды жеңді
2023 жылғы Әлем Кубогының іріктеу кезеңі аясында баскетболдан Қазақстан ерлер құрамасы сырт алаңда Иранды 69:73 есебімен тізе бүктіріп, D тобында көш бастады.
23 ұпай және 4 нәтижелі пастың авторы атанған Николай Бажин ойынның үздік ойыншысы (MVP) атанды. Енді ел құрамасы 27 ақпан күні Манама қаласында Бахрейнге қарсы ойын өткізеді.
Айта кетейік, әлем кубогына іріктеу шілде айында аяқталады. Екінші айналымға әр топтан үш команда өтеді. Қазақстан құрамасының D тобындағы қарсыластары: Иран, Бахрейн және Сирия командалары.
