UFC «QAZSPORT» телеарнасына қайта оралды!
18 қаңтарда әйгілі спортшы Конор Макгрегор октагонға қайта оралады. Ирландиялық спортшы америкалық Дональд Серронемен Лас-Вегаста айқасқа түседі. Араға жыл салып аталмыш дода «QAZSPORT» телеарнасына қайта оралды.
Конор Макгрегор UFC 246 турниріне дейін 25 жекпе-жек өткізіп, 21 мәрте қарсыластарын қапы қалдырды. Ол 15 ай бойы жекпе-жек өткізген жоқ. Конор соңғы жекпе-жегінде жеңілмеген ресейлік спортшы Хабиб Нұрмағамедовтен ұтылды. Бұл кездесуді қазақстандық көрермендер «QAZSPORT» арнасынан тікелей эфирде тамашалады.
«Ковбой» өткен жылы 4 кездесу өткізді. Екі рет қарсыластарынан басым болғанымен, қос жекпе-жегінде жеңілістің ащы дәмін сезінді. Америкалық тәжірибелі спортшы 49 мәрте айқасқа түсіп, 36 жекпе-жегін жеңіспен аяқтаған.
16 қаңтар күні Лас-Вегас қаласында қос спортшының қатысуымен баспасөз мәслихаты өтті. Олар журналистер қойған сұрақтарға жауап беріп, бір-бірімен көз арбасты. Әркез қызуқандылық танытатын ирландиялық спортшы бұл жолы америкалық «Ковбойға» жылы шырай танытты.
Сонымен қатар Конор Макгрегор осыған дейін жаттығу кезінде ащы судан ұрттағанын мойындады. Ирландиялық бұл кездесуге қызу дайындық өткізіп, алдағы уақытта қайтадан бокста бақ сынап көрмекші.
Конор мен «Ковбойдың» кездесуі — жаңа жылдың ең маңызды оқиғаларының бірі. Аталмыш жарысты «QAZSPORT» телеарнасы бастан-аяқ тікелей эфирде көрсетеді. UFC 246 жарысы 19 қаңтар күні елорда уақытымен сағат 07:00-де басталады. «QAZSPORT» телеарнасы 5 сағат бойы патша көңіл көрерменге ерекше әсер сыйламақ. Сүйікті спортшыңа біздің арнамен бірге жанкүйер бол!
