Даниил Фоминых велоспорттан Азия чемпионы атанды
Ташкентте велоспорттан Азия чемпионаты жалғасуда. Ерлер арасындағы жекелей сында ел қоржынына тағы бір алтын медаль түсті.
Ауа райының қиындығына қарамастан, қазақстандық спортшы Даниил Фоминых мәре сызығын бірінші болып кесті. Даниилдің уақыт көрсеткіші – 49:42.86.
Айта кетелік, Азия чемпионаты Қазақстан спортшылары үшін сәтті өтуде. Ерлер арасындағы командалық сында біздің команда топ жарса, жасөспірімдер арасындағы бәсекеде Максим Попугаев, Ульяна Сухоребрик пен Евгений Федоров жеңімпаз тұғырына көтерілді.
Дереккөз: ҚР ҰОК
