Шавкат Рахмонов M-1 Challenge чемпионы атанды

Қазақстандық аралас жекпе-жектің шебері Шавкат Рахмонов жартылай орта салмақта M-1 Challenge чемпионы атанды.

Титулдық жекпе-жек Алматыда M-1 Challenge 101 халықаралық турнирі аясында қазақстандық файтер кештің басты кездесуінде ресейлік Данил Приказамен жұдырықтасты. Жекп-жектің екінші раундында отандасымыз қарсыласын техникалық нокаутпен жеңді. Осылайша, қазақстандық 11 айқаста 11-ші жеңіске жетті.

M-1 Challenge 101 турнирі аясында тағы төрт қазақстандық өнер көрсетті. Абылайхан Қадыржан (жеңіл салмақ) 52 секундта грузин файтері Бено Адамияны тізе бүктірсе, Асу Алмабаев (аса жеңіл салмақ) француздық Пьер Людені екінші раундта қылғындыру әдісі арқылы жеңді. Азамат Бақытов (жеңіл салмақ) төрешілер шешімімен ресейлік Борис Медведевті басым түсті. Турнирдің негізгі кардында Арман Әшімов бразилиялық Кайка Аленкарды төрешілердің бірауыздан шығарған шешімімен жеңді.