Надежда Лихачева ауыр атлетикадан әлем чемпионатында қола жүлдеге ие болды
Түркменстан астанасы Ашхабад қаласында өтіп жатқан ауыр атлетикадан Әлем чемпионатында ел қоржынына екінші медаль түсті.
Әйелдер арасында 71 келіге дейінгі салмақ дәрежесінде бақ сынаған Надежда Лихачева үздік үштіктен көрінді. Отандасымыз «жұлқа көтеруде» 112 келіні бағындырса, «серппе көтеруде» 130 келіні игерді.
Бірінші орынды әлемдік рекордтарды жаңартқан қытайлық Вангли Жанг (267 келі) иемденсе, күміс медаль мысырлық Сара Ахмедтің (252) еншісінде.
Фото: ҚР Ауыр атлетика федерациясы
