Кевин Де Брюйне «Наполи» ойыншысы атанды
«Манчестер Сити» клубының жартылай қорғаушысы Кевин Де Брюйне еркін агент ретінде «Наполиге» ауысты.
Белгілі италиялық журналист Фабрицио Романоның хабарлауынша, неапольдік клуб 34 жастағы бельгиялық ойыншыны өз қатарына қосты.
Келісім 2027 жылға дейін жарамды болады, сондай-ақ бір жылға ұзарту мүмкіндігі қарастырылған. Де Брюйне «Наполидегі» ең жоғары жалақы алатын ойыншы атанады.
Мамыр айының басында Де Брюйне маусым соңында «Ситиден» кететінін ресми түрде мәлімдеген еді. Оның клубпен арадағы келісімі маусым соңында аяқталады.
