Хоккей: Қазақстан құрамасы элиталық дивизионмен қош айтысты

Бүгін хоккейден 2025 жылғы әлем чемпионатындағы топтық кезеңнің соңғы матчында Қазақстан құрамасы Швейцариядан 1:4 есебімен жеңіліп, турнирден шығып қалды. Бұл нәтиже біздің команданың элиталық дивизиондағы орнын сақтап қалуына мүмкіндік бермеді.

Қазақстан құрамасы элиталық дивизионға 2019 жылы Астанада өткен бірінші дивизиондағы әлем чемпионатында жеңіске жетіп қайта оралған еді. Осы уақыт ішінде ұлттық құрамамыз қатарынан бес әлем чемпионатына қатысты (2021–2025). Бұл Қазақстан хоккей тарихындағы ең ұзақ элиталық кезең болды.2020 жылғы турнир пандемияға байланысты өтпей қалған болатын.
Бұған дейін ең ұзақ кезең 2004, 2005 және 2006 жылдары үш жыл қатарынан элитада ойнаған кез еді.

Енді Қазақстан құрамасы келесі маусымда бірінші дивизионда өнер көрсетеді.