Қазақстандық боксшылар Еуразия Кубогында 13 медаль жеңіп алды

Ресейдің Чита қаласында бокстан жастар арасында "Даурия Еуразиялық кубогы" халықаралық турнир өз мәресіне жетті

Қазақстан боксшылары 13 медальға ие болды.

67 келіге дейінгі салмақ дәрежесінде Төрехан Сабырхан турнир жеңімпазы атанды.

Қос күмісті Жансері Көшербаев (57 келіге дейін) және Мадияр Бексұлтанов (80 келіге дейін) иеленді.

Бексұлтан Боранбек (51 келіге дейін), Әділбек Қожахан, Әли Мұрат (54 келіге дейін), Бауыржан Мұратов (57 келіге дейін), Асылхан Көшербай, Ахмет Үсен (63,5 келіге дейін), Өнер Сейілхан (71 келіге дейін), Санжарәли Бегалиев (75 келіге дейін), Дамир Синеев (80 келіге дейін), Аслан Елдібайұлы (92 келіге дейін) қола медальдарді жеңіп алды.

Естеріңізге сала кетейік, жастар құрамасының аға жаттықтырушысы қызметін атқарған Қайрат Сатжанов тамыз айында құраманың бас бапкері болып тағайындалды. Қазіргі таңда жастарды Бағдат Оңғарбеков жаттықтыруда.