«Қазақстан» телерадиокорпорациясы Жәнібек Әлімханұлының жекпе-жегін тікелей эфирде ұсынады

WBO тұжырымдамасы бойынша орта салмақтағы Әлем чемпионы, қазақстандық кәсіпқой боксшы Жәнібек Әлімханұлы Германияның былғары қолғап шебері Винченцо Гуальтьеримен жекпе-жек өткізеді. Қазақстандық боксшының жекпе-жегі 14 қазан күні АҚШ-тың Розенберг қаласында өтеді.

«Қазақстан» телерадиокорпорациясы жекпе-жектің ел аумағындағы құқық иесі атанды. Бокс кеші жергілікті уақытпен 15 қазан күні сағат 07:00-де «Qazsport» телеарнасынан тікелей эфирде көрсетіледі.

Жекпе-жек «Qazaqstan.tv» мобильді қосымшасы мен qazsporttv.kz сайтында онлайн трансляцияланады.