Иван Дычко кезекті қарсыласын нокаутқа жіберді

Кәсіпқой бокстан аса ауыр салмақта өнер көрсететін Иван Дычко (13-0, 12КО) жекпе-жегін Аргентина астанасы Буэнос-Айресте өткізді.

Ол WBA Fedecaribe тұжырымы бойынша аса ауыр салмақтағы белбеу үшін жергілікті боксшы Ариэль Бракамонтемен (12-11) жұдырықтасып,  екінші раундта нокаутқа жіберді. 2017 жылы кәсіпқой боксқа ауысқан 32 жастағы Иван Дычко шаршы алаңда 13 жекпе-жекте жеңіп, 12-сін мерзімінен бұрын аяқтаған.

Ал әуесқой бокста Иван Дычко Лондон (2012) және Рио Олимпиадасында (2016) қола жүлдегер атанған.