Қазақстан құрамасы Словенияны жеңді
Шайбалы хоккейден Әлем Чемпионатының Элиталық кезеңінде Қазақстан құрамасы алғаш рет негізгі уақытта жеңіске жетті. Ғалым Мамбеталиев шәкірттері топтық кезеңнің соңғы ойынында Словения хоккейшілерін ойынның негізгі уақытында 4:3 есебімен жеңді.
Ұлттық құрама жігіттері топтық кезеңде үш жеңіске қол жеткізді. Алдымен Норвегияны буллиттер сериясында жеңіп, кейіннен Словакия құрамасын ойын соңындағы буллит сериясында жеңген еді.
ҚАЗАҚСТАН – СЛОВЕНИЯ - 4:3
0:1 - Анзе Куральт - 01:30
1:1 - Никита Михайлис (Рымарев, Бекетаев) - 18:10 Сан басымдығы
1:2 - Анзе Куральт (Ограеншек, Тичар) - 21:06
2:2 - Батырлан Мұратов (Орехов, Савицкий) - 39:02 Сан басымдығы
2:3 - Ян Дрозг (Симсич, Панце) - 42:27
3:3 - Евгений Рымарев (Старченко, Бекетаев) - 51:52
4:3 - Максим Мұхаметов (Михайлис) - 56:33
Қақпашылар: Андрей Шутов - Зан Ус
Осылайша, Қазақстан құрамасы келесі жылы Әлем Чемпионатында элиталық кезеңде ойнайды. 2024 жылғы Әлем Чемпионаты Чехияның Прага және Острова қалаларында 10 - 26 мамыр аралығына жоспарланған.
