Әлем Чемпионаты. Екінші жарыс күнінің қорытындысы
Қатар жеріндегі Әлем Чемпионатында А және В тобының командалары алғашқы ойындарын өткізді. Егер алғашқы жарыс күні Эквадор құрамасы алаң иелері Қатар құрамасын жеңсе, А тобындағы екінші жұп арасындағы ойында Нидерланд құрамасы басым болды. Сенегал құрамасымен болған ойынның 84-ші минутында Коди Гакпо есеп ашса, 90+9-шы минутта Дэви Классен есепті еселеп, Луи Ван Гал шәкірттері Әлем Чемпионатындағы алғашқы ойынында жеңіске жетті.
А квартетіндегі Нидерланд және Эквадор құрамасының еншісінде үш ұпай бар.
В квартетіндегі алғашқы ойында Англия мен Иран құрамасы кездесіп 6:2 есебімен тұманды альбион өкілдері жеңіске жетті.
В тобындағы екінші ойында АҚШ және Уэльс құрамалары өзара тең тарқасты. Осылайша, В тобының көшін Англия бастап тұр.
