Silk Way Series Astana халықаралық турнирі өз мәресіне жетті

Нұр-сұлтанда велотректен CL1 санатындағы Silk Way Series Astana халықаралық турнирі өз мәресіне жетті. Қазақстандық спортшылар елордадағы турнирден екі күміс және екі қола медаль жеңіп алды.

Алғашқы жарыс «омниумнан» Роман Василенков бұл бағдарламада жеңімпаз атанса, команда үздігі Артем Захаров күміс еншіледі.  

«Мэдисон» бойынша Артем Захаров пен Сұлтанмұрат Мірәлиев жұбы топ жарды. Ал Әлішер Жұмақан мен Роман Василенков қола жүлдегерлер қатарында.  

Қазақстандық Павел Воржев алты дүркін Олимпиада чемпионы, ұлыбританиялық Джейсон Кенниден, сондай-ақ, әлем чемпионатының жүлдегері, ресейлік Павел Якушевскийден  «кейриннен» басып озып, алтыннан алқа тақты.

Топтық жарыста қазақстандықтар бірінші және екінші орынды ешкімге берген жоқ. Сұлтанмұрат Мірәлиев алтын алса, Асылхан Тұрар күміс медаль иеленді.

Фото: ҚР ҰОК